Astanada jel kúsheıip, óńirlerde qar jaýady: «Qazgıdromet» eskertý jasady

Jetisý oblysy

Túnde jáne tańerteń Alakól kólderi aýdanynda aýa temperatýrasy -2…-7°S-qa deıin tómendep, úsik júredi. Soltústik-shyǵystan soǵatyn jeldiń ekpini 15–20 m/s, keı ýaqyttarda 23–28 m/s-qa deıin jetedi. Taldyqorǵan qalasynda túnde jáne tańerteń -3…-5°S úsik kútiledi.

Atyraý oblysy

Oblysta órt shyǵý qaýpi joǵary. Al soltústik, ońtústik jáne shyǵys bólikterinde órt qaýpi tótenshe deńgeıge jetedi. Atyraý qalasynda da tótenshe órt qaýpi jarııalandy.

Shyǵys Qazaqstan oblysy

Kúndiz oblystyń shyǵysy men taýly aýdandarynda jańbyr men qar túrinde jaýyn-shashyn kútiledi. Túnde jáne tańerteń ońtústik, shyǵys jáne ortalyq bólikterinde tuman túsedi.

Ońtústik-shyǵys jeli soltústik-batys jeline aýysady. Túnde oblystyń soltústiginde jel ekpini 15–20 m/s bolady. Kúndiz jeldiń ekpini 15–20 m/s-qa jetip, batys, soltústik jáne ońtústik aýdandarda keı ýaqyttarda 23–28 m/s-qa deıin kúsheıedi.

Óskemen qalasynda jel ońtústik-shyǵystan soǵyp, keıin soltústik-batysqa aýysady. Jel ekpini 15–20 m/s, kúndiz keı ýaqyttarda 25 m/s bolady.

Abaı oblysy

Túnde oblystyń batysy men soltústiginde, al kúndiz soltústik, shyǵys jáne ortalyq bólikterinde jańbyr men qar túrinde jaýyn-shashyn kútiledi. Túnde jáne tańerteń ońtústik pen shyǵysta tuman túsedi.

Ońtústikten soǵatyn jel keıin soltústik-batysqa aýysady. Túnde batys, soltústik jáne ortalyq aýdandarda jel ekpini 15–20 m/s bolady. Kúndiz jeldiń ekpini 15–20 m/s-qa jetip, soltústik, ońtústik-batys jáne ortalyq aýdandarda keı ýaqyttarda 23–28 m/s-qa deıin kúsheıedi.

Semeı qalasynda ońtústikten soǵatyn jel soltústik-batysqa aýysyp, ekpini 15–20 m/s bolady. Kúndiz keı ýaqyttarda 25 m/s-qa deıin jetedi.

Astana qalasy

Ońtústik-batystan soǵatyn jel soltústik-batysqa aýysady. Jel ekpini 15–20 m/s bolady.

Aqmola oblysy

Túnde, al kúndiz oblystyń soltústigi men shyǵysynda jańbyr men qar túrinde jaýyn-shashyn kútiledi. Batysy men soltústiginde tuman túsip, kóktaıǵaq bolady.

Ońtústik-batystan soǵatyn jel soltústik-batysqa aýysady. Jel ekpini 15–20 m/s, al soltústik jáne shyǵys aýdandarda keı ýaqyttarda 23–28 m/s-qa deıin kúsheıedi.

Kókshetaý qalasynda soltústik-batystan soǵatyn jeldiń jyldamdyǵy 15–20 m/s, ekpini 23 m/s bolady.

Qostanaı oblysy

Túnde oblystyń shyǵysynda jańbyr men qar túrinde jaýyn-shashyn jaýyp, kóktaıǵaq bolady. Túnde jáne tańerteń batys, soltústik jáne shyǵys aýdandarda tuman túsedi. Ońtústik bóliginde órt shyǵý qaýpi joǵary.

Soltústik-batystan soǵatyn jeldiń túngi ekpini 15–20 m/s bolady. Kúndiz oblystyń soltústigi men shyǵysynda jeldiń ekpini 15–20 m/s-qa jetedi.

Qostanaı qalasynda túnde soltústik-batystan soǵatyn jeldiń ekpini 15–20 m/s bolady.

Aqtóbe oblysy

Oblystyń shyǵysynda órt shyǵý qaýpi joǵary, al batysy, ońtústigi jáne ortalyǵynda órt qaýpi tótenshe deńgeıge jetedi.

Soltústik jáne soltústik-shyǵystan soǵatyn jeldiń ekpini oblystyń soltústigi men shyǵysynda 15–18 m/s bolady.

Soltústik Qazaqstan oblysy

Túnde jańbyr men qar jaýyp, kóktaıǵaq bolyp, jer betinde burqasyn soǵady. Kúndiz oblystyń batysy, soltústigi jáne shyǵysynda da jańbyr men qar jaýyp, kóktaıǵaq pen burqasyn kútiledi. Túnde jáne tańerteń batysynda tuman túsedi.

Soltústik-batystan soǵatyn jeldiń jyldamdyǵy 15–20 m/s, ekpini 23–28 m/s bolady.

Petropavl qalasynda jańbyr men qar jaýyp, kóktaıǵaq jáne jer betinde burqasyn kútiledi. Soltústik-batystan soǵatyn jeldiń jyldamdyǵy 15–20 m/s, ekpini 23–28 m/s bolady.

Qyzylorda oblysy

Kúndiz oblystyń batysy, soltústigi jáne ortalyǵynda shańdy daýyl turady. Túnde shyǵysynda topyraq betinde -2°S-qa deıin úsik júredi.

Oblystyń soltústiginde órt shyǵý qaýpi joǵary, al jalpy óńirde órt qaýpi tótenshe deńgeıge jetedi.

Soltústikten soǵatyn jeldiń kúndizgi ekpini oblystyń batysy, soltústigi jáne ortalyǵynda 15–20 m/s bolady.

Qyzylorda qalasynda tótenshe órt qaýpi jarııalandy.

Qaraǵandy oblysy

Tańerteń jáne kúndiz oblystyń soltústigi men shyǵysynda jańbyr men qar jaýyp, kóktaıǵaq bolady. Túnde jáne tańerteń soltústik pen ońtústikte tuman túsedi. Batysynda órt qaýpi tótenshe deńgeıge jetedi.

Ońtústik-batystan soǵatyn jel soltústik-batysqa aýysady. Soltústik, shyǵys jáne ońtústik aýdandarda jel ekpini 15–20 m/s, keı ýaqyttarda 23 m/s bolady.

Qaraǵandy qalasynda tańerteń jáne kúnniń birinshi jartysynda jańbyr men qar jaýyp, kóktaıǵaq kútiledi. Ońtústik-batystan soǵatyn jel soltústik-batysqa aýysyp, tańerteń jáne kúndiz ekpini 15–20 m/s bolady.

Ulytaý oblysy

Oblystyń batysy men ortalyǵynda órt qaýpi tótenshe deńgeıge jetedi.

Ońtústik-batystan soǵatyn jel soltústik-shyǵysqa aýysady. Tańerteń jáne kúndiz oblystyń batysy, soltústigi men shyǵysynda jel ekpini 15–20 m/s bolady.

Jezqazǵan qalasynda tótenshe órt qaýpi jarııalandy. Ońtústik-batystan soǵatyn jel soltústik-shyǵysqa aýysyp, kúndiz ekpini 15–18 m/s bolady.

Mańǵystaý oblysy

Oblystyń ortalyq bóliginde órt shyǵý qaýpi joǵary.

Pavlodar oblysy

Jańbyr men qar túrinde jaýyn-shashyn kútiledi. Kúndiz oblystyń soltústigi men shyǵysynda jaýyn-shashyn mol túsip, kóktaıǵaq bolady.

Soltústik-batystan soǵatyn jeldiń jyldamdyǵy 15–20 m/s bolady. Kúndiz oblystyń batysy, ońtústigi men ortalyǵynda jel ekpini 23–28 m/s-qa deıin kúsheıedi.

Pavlodar qalasynda jańbyr men qar jaýady. Soltústik-batystan soǵatyn jeldiń jyldamdyǵy 15–20 m/s, al kúndiz ekpini 23–28 m/s bolady.

Túrkistan oblysy

Oblystyń soltústigi men batysynda órt shyǵý qaýpi joǵary. Taýly aýdandarda tuman túsedi.

Soltústik-shyǵystan soǵatyn jeldiń ekpini oblystyń soltústigi men taýly aýdandarynda 15–20 m/s bolady.

Túrkistan qalasynda órt shyǵý qaýpi joǵary.

Jambyl oblysy

Túnde oblystyń batysy men shyǵysynda -2°S-qa deıin úsik júredi. Túnde jáne tańerteń taýly aýdandarda tuman túsedi.

Soltústik-shyǵystan soǵatyn jeldiń ekpini taýly aýdandarda 15–20 m/s bolady.

Batys Qazaqstan oblysy

Oblystyń batysy, ońtústigi men shyǵysynda órt shyǵý qaýpi joǵary.

Soltústik-shyǵystan soǵatyn jeldiń kúndizgi ekpini oblystyń soltústigi, batysy men ońtústiginde 15–20 m/s bolady.

Buǵan deıin aldaǵy úsh kúnde jańbyr jaýyp, qaı óńirlerge qar túsetinin jazdyq.