Astanada jel kúsheıip, 12 oblysta qolaısyz aýa raıy kútiledi
ASTANA. KAZINFORM — 1 qazanda Qazaqstannyń birqatar óńirinde jańbyr, naızaǵaı, tuman jáne qatty jel kútiledi. Jambyl oblysynda jeldiń ekpini sekýndyna 23 metrge deıin jetýi múmkin. Bul týraly «Qazgıdromet» RMQ málim etti.
Astanada ońtústik-shyǵystan soǵatyn jeldiń ekpini sekýndyna 15–18 metrge jetedi. Qalada órt shyǵý qaýpi joǵary deńgeıde saqtalady.
Almatyda keshke qysqa merzimdi jańbyr jaýyp, naızaǵaı oınaıdy.
Abaı oblysynyń ortalyq bóliginde túnde jáne tańerteń tuman túsedi. Oblystyń ońtústik-batysy men soltústiginde soltústik, soltústik-shyǵystan soǵatyn jeldiń ekpini sekýndyna 15–20 metrge jetedi. Soltústik jáne ortalyq aýdandarda órt qaýpi joǵary, al soltústik-batys, ońtústik jáne shyǵys bólikterinde tótenshe órt qaýpi saqtalady.
Aqtóbe oblysynyń shyǵysynda órt qaýpi joǵary deńgeıde bolady. Al batysynda, ońtústiginde, soltústik-shyǵysynda jáne ortalyǵynda tótenshe órt qaýpi saqtalady.
Atyraý oblysynda órt qaýpi joǵary, al óńirdiń ońtústiginde tótenshe órt qaýpi kútiledi.
Aqmola oblysynyń batysynda, ońtústiginde jáne shyǵysynda kúndiz jańbyr jaýyp, naızaǵaı oınaıdy. Osy aýdandarda ońtústik-shyǵys, shyǵys baǵyttan soǵatyn jeldiń ekpini sekýndyna 15–20 metrge deıin jetedi. Oblystyń shyǵysy men ortalyǵynda órt qaýpi joǵary, al soltústigi men ońtústiginde tótenshe órt qaýpi saqtalady.
Almaty oblysynyń soltústiginde, ońtústiginde jáne taýly aýdandarynda tańerteń jáne kúndiz qysqa merzimdi jańbyr jaýyp, naızaǵaı oınaıdy. Oblystyń shyǵysy men taýly aımaqtarynda ońtústik-batystan soǵatyn jel soltústik-batysqa aýysyp, ekpini sekýndyna 15–20 metrge jetedi. Óńir boıynsha tótenshe órt qaýpi, al shyǵysynda joǵary órt qaýpi saqtalady.
Shyǵys Qazaqstan oblysynyń soltústiginde túnde jáne tańerteń tuman túsedi. Kúndiz oblystyń soltústik-batysynda soltústik-shyǵystan soǵatyn jel soltústik-batysqa aýysyp, ekpini sekýndyna 15–18 metrge jetedi. Óńirdiń shyǵysy men ortalyǵynda órt qaýpi joǵary, al batysynda, ońtústik-shyǵysynda jáne ońtústiginde tótenshe órt qaýpi saqtalady.
Jambyl oblysynyń batysynda, soltústiginde, ońtústiginde jáne taýly aýdandarynda jańbyr jaýyp, naızaǵaı oınaıdy. Kúndiz taýly aımaqtarda nóser jaýyn, burshaq jáne daýyl bolýy múmkin. Túnde jáne tańerteń taýly aýdandarda tuman túsedi. Túnde taýly aımaqtarda, kúndiz oblystyń ońtústik-batysynda, soltústik-shyǵysynda jáne taýly aýdandarynda ońtústik-batystan soǵatyn jeldiń ekpini sekýndyna 15–20 metrge, keı jerlerde 23 metrge deıin jetedi. Óńirde tótenshe órt qaýpi saqtalady.
Qostanaı oblysynyń ońtústigi men shyǵysynda tańerteń jáne kúndiz jańbyr jaýyp, naızaǵaı oınaıdy. Túnde jáne tańerteń oblystyń batysy men soltústiginde tuman túsedi. Ońtústik jáne shyǵys aýdandarda soltústik-shyǵystan soǵatyn jeldiń ekpini sekýndyna 15–20 metrge jetedi. Oblystyń ońtústiginde órt qaýpi joǵary bolady.
Qyzylorda oblysynda batystan soǵatyn jel kúndiz óńirdiń soltústiginde, shyǵysynda jáne ortalyǵynda sekýndyna 15–20 metrge deıin kúsheıedi. Oblys boıynsha tótenshe órt qaýpi, al ortalyǵynda joǵary órt qaýpi saqtalady.
Mańǵystaý oblysynyń batysynda, soltústiginde jáne ortalyǵynda órt qaýpi joǵary bolady. Al soltústik-shyǵysynda tótenshe órt qaýpi saqtalady.
Pavlodar oblysynyń soltústiginde túnde jáne tańerteń tuman túsedi. Kúndiz oblystyń ońtústiginde shyǵystan soǵatyn jeldiń jyldamdyǵy sekýndyna 18 metrge jetedi. Óńirde órt qaýpi joǵary, al soltústigi men ońtústiginde tótenshe órt qaýpi saqtalady.
Soltústik Qazaqstan oblysynyń ońtústiginde kúndiz jańbyr jaýyp, naızaǵaı oınaıdy. Túnde jáne tańerteń óńirdiń batysy men soltústiginde tuman túsedi. Kúndiz ońtústik-shyǵystan soǵatyn jeldiń ekpini sekýndyna 15–20 metrge deıin jetedi.
