Astanada jeksenbi kúni qoǵamdyq kólik júrmeıdi

NUR-SULTAN. QazAqparat – Elordanyń Bas memlekettik sanıtarlyq dárigeriniń qaýlysyna sáıkes, jeksenbi, 11 sáýir kúni qala ishinde jáne qala mańyna qatynaıtyn avtobýstar jumysyn toqtatady, dep habarlaıdy QazAqparat.

«Bul kúni dezınfektsııalyq jumystar júrgiziledi», - dep málim etti «City Transportation Systems» kompanııasynan. ⠀

Dúısenbiden bastap qoǵamdyq kólik qalypty rejımde jumys isteı bastaıdy.

Kompanııa ókilderi avtobýstarǵa maskasyz kirýge bolmaıtynyn eskertedi. Jolaqy qolma-qol aqshasyz tólenedi.

Eske salaıyq, 12 sáýirden bastap astanada karantındik shekteýler týraly jańa qaýly kúshine enedi.