Astanada jekpe-jekten halyqaralyq týrnır ótip jatyr
ASTANA. QazAqparat - Jekpe-jekten ótip jatqan halyqaralyq týrnırge 4 memleketten barlyǵy 19 komanda qatysýda, dep habarlaıdy QazAqparat tilshisi.
Boz kilemde 150-den astam jekpe-jek sheberleri 9 túrli salmaq kórsetkishi boıynsha kúsh synasýda.
Halyqaralyq týrnırge óz elimizben qatar, Reseıdiń Ulttyq ulany, Qytaıdyń Halyqtyq qarýlanǵan polıtsııasymen qatar, alǵash ret Ózbekstan Ulttyq ulany qatysyp otyr.
«Jarys jeke-komandalyq, toptarǵa bóliný júıesi, olımpıadalyq júıe bolyp birneshe túrge bólinedi. Qatysýshylardyń jeke nátıjeleri men oryndary ózderiniń salmaq sanattaryna baılanysty anyqtalady. Komandalyq esepte qatysýshy jeńimpazdar esebinen oryn alǵan upaı mólsheri boıynsha anyqtalady. Jeńimpaz komanda Qazaqstan Respýblıkasy Ulttyq ulany Bas qolbasshysynyń kýbogymen, dıplom jáne baǵaly syılyqpen marapattalady», - deıdi polkovnık, QR Ulttyq Ulan Bas qolbasshysynyń sport jáne dene shynyqtyrý qyzmetiniń basshysy Janbolat Ahmetov.
Osymen 4-shi ret uıymdastyrylyp otyrǵan jekpe-jek týrnıri áskerı qoldanbaly sport túrin nasıhattaı otyryp, ony odan ári damytý jáne halyqaralyq deńgeıdegi sportshylardyń sheberligin shyńdap, tájirıbe almasý, halyqaralyq baılanysty nyǵaıtý maqsatyn kózdeıdi. Sol sııaqty qoǵamdy salaýatty ómir saltyn ustanýǵa úndep, jastardy patrıottyqqa tárbıeleýmen qatar, tóreshilerdiń de kásibıligin arttyrady. Eń bastysy, Ulttyq ulannyń sporttyq komandasyn jasaqtaý jolynda kil myqtylardy anyqtaıdy.
Eki kún boıy «Dáýlet» sport kesheninde ótetin aıtýly shara Astana qalasynyń 20 jyldyǵyna arnalyp, QR Mádenıet jáne sport mınıstrliginiń uıymdastyrýymen ótip jatyr. Oǵan sondaı-aq, Ulttyq ulan Bas qolbasshylyǵy jáne qazaqstandyq Jekpe-jek saıysy federatsııasy qoldaý kórsetip otyr. Jarystyń jalpy júlde qory - 1 mln teńge.
