Astanada jekemenshik turǵyn úı órtenip, er adam men áıel qaza tapty - QR TJM
ASTANA. 2 sáýir. QazAqparat - Astana qalasyndaǵy jekemenshik turǵyn úıde bolǵan órt saldarynan eki adam qaza tapty, dep habarlaıdy QR TJM-niń baspasóz qyzmetinen.
Jeksenbi, 1 sáýir kúni Astanadaǵy Anar kóshesinde ornalasqan jekemenshik turǵyn úı órtendi. Jalyn 5 sharshy metr aýmaqty sharpyǵan. Oqıǵa ornynan 56 jastaǵy er adam men 46 jastaǵy áıeldiń máıitteri tabyldy.
Tilsiz jaýdy órt bólimshesiniń kelýine deıin jergilikti turǵyndar sóndirdi. Órt saldaryn joıýǵa QR TJM Astana qalasy boıynsha TJD-niń órt sóndirý qyzmeti jeke quramynyń 13 adamy men 2 tehnıka birligi jumyldyryldy.
