Astanada jeke turǵyn úı janyp ketti
NUR-SULTAN. QazAqparat – Elordada jeke turǵyn úıdegi órt bir saǵattan astam ýaqyt sóndirildi, dep habarlaıdy QazAqparat.
«Búgin saǵat 09:48-de TJD Órt sóndirý qyzmetine Bozsholaq kóshesi, 8 mekenjaıyndaǵy órt týraly habarlama kelip tústi. Órt sóndirý bólimsheleri jetken kezde shamamen 100 sharshy metr aýmaqta jeke úıdiń shatyry janyp jatqany anyqtaldy. Qutqarýshylardyń jedel is-áreketiniń arqasynda órt saǵat 10.41-de tolyq sóndirildi. Qaza bolǵandar men zardap shekkender joq. Órt sóndirýge 3 birlik tehnıka men jeke quramnyń 20 adamy jumyldyryldy», - delingen Nur-Sultan qalalyq Tótenshe jaǵdaılar departamentiniń aqparatynda.
Vedomstvo mamandary órt qaýipsizdigi erejelerin jaýapkershilikpen saqtaýǵa, saq bolýǵa jáne órtti sóndirýden góri aldyn alý áldeqaıda ońaı ekenin este saqtaýǵa shaqyrady. «Balalardy qaraýsyz qaldyrmańyz, tósekte temeki shekpeńiz, turmystyq jáne basqa tehnıkany paıdalaný jónindegi nusqaýlyqty saqtańyz, elektr symdarynyń oqshaýlaǵyshy zaqymdanǵan quraldardy paıdalanbańyz», - dedi TJD-dan.
Eske salaıyq, búgin tańerteń, sondaı-aq Oqýshylar saraıyna jaqyn mańda ornalasqan saýda dúńgirshegi órtengen bolatyn.
