Astanada jeke turǵyn úı qurylysyna usynylǵan jerge qaraǵanda suranys áldeqaıda asyp ketti
ASTANA. 6 qarasha. QazAqparat - Astanada jeke turǵyn úı salýǵa jer telimderi jetispeıdi. Elordanyń resmı saıtyndaǵy málimetke qaraǵanda, keıingi kezde osy tóńirektegi suranys qala múmkindiginen 6-7 ese artyp ketip otyr. Munyń bári «is júzinde respýblıkadaǵy kámelet jasyna tolǵandardyń barlyǵy elordadan jer alýǵa quqyly» degen uǵymǵa baılanysty bolyp otyr.
«Jeke turǵyn úı qurylysyn salýǵa jer telimderin bólý - búgingi tańdaǵy kúrmeýi qıyn eń ótkir máselelerdiń biri. Osy baǵytta bizdiń turǵyndarǵa naqty, durys aqparat jetpeı jatady. Eń bastysy, quziretti organdar bekitken jer telimderin berýdiń qatań tártibi bar. Ekinshiden, ereje, tártip bolǵanymen, beriletin bos jer telimi joq», - deıdi Astana qalasy Jer qatynastary basqarmasy bastyǵynyń orynbasary Nazymbek Kenjebaev.
Astana qalasynyń Jer qatynastary basqarmasynyń málimeti boıynsha, bıylǵy jyldyń ótken 10 aıynda bir de bir gektar jer berilgen joq. Sonymen qatar, kelesi 2013 jyly da jer bólý máselesi qarastyrylmaǵan. Sebep - qalaǵa tıesili aýmaqta ınjenerlik-kommýnıkatsııalyq jelilermen qamtamasyz etilgen, arnaıy jabdyqtalǵan alańdardyń bolmaýy. Jalǵyz ǵana problema bul emes. Barshaǵa belgili, qala aýmaǵy kórshiles oblystardyń jer telimderi esebinen keńeıtildi. Osyǵan oraı qala ákimdigi burynǵy JShS nemese AQ menshik ıeleriniń qaramaǵyndaǵy jerlerdi jeke turǵyn úı qurylysyn salý úshin bólip bere almaıdy. Ondaı múmkindik te joq. Joǵaryda aıtylǵandardan shyǵatyn qorytyndy, Astana respýblıkanyń bas qalasy retinde ınfraqurylymdaryn keńeıtip, damyta túskenimen, elimizdiń barlyq azamattaryn birdeı qala aýmaǵynda jer telimderimen qamtamasyz etýi múmkin emes.
Belgili bolǵandaı, búginde jer telimin alýǵa jazylǵan ótinishterdiń sany 96 myńnan asyp túsken kórinedi.
