Astanada jeke sot oryndaýshylar jeke tabys salyǵyn tólemeı kelgen

ASTANA. KAZINFORM — Elordada jeke sot oryndaýshylardyń salyqtan jaltarý faktileri anyqtaldy. Tekseristen keıin memleket paıdasyna 40 mln teńgege jýyq qarajat óndirildi, dep habarlaıdy Astana qalasynyń prokýratýrasynyń baspasóz qyzmeti.

Nura aýdanynyń prokýratýrasy jeke sot oryndaýshylardyń salyq tóleý máselesi boıynsha taldaý júrgizdi.

— 30 jeke sot oryndaýshy jeke tabys salyǵyn kem kórsetkendigi, al 26 múldem tólemegendigi anyqtaldy. Qadaǵalaý aktisimen memleket paıdasyna 40 mln teńgege jýyq aqsha óndirildi, — delingen habarlamada.

Vedomstvo atap ótkendeı, bul baǵytta jumys jalǵasatyn bolady.

Budan buryn Ádilet mınıstrligi alıment óndirý kórsetkishin jaqsartý úshin sot oryndaýshylaryna qoıylatyn talaptardy qatańdatpaqshy ekenin jazǵanbyz.