Astanada jeke kásipker kólikterge jalǵan nómir taǵyp, bıznes jasaǵan
Elordada keshki ýaqytta patrýldik polıtseıler jalǵan memlekettik nómirlik belgileri bar Daewoo Nexia avtokóligin basqarǵan júrgizýshini anyqtady. Іs júrgizý barysynda Almaty aýdanynyń polıtseıleri er adamnyń kólikti kásipkerden jalǵa alǵanyn anyqtady. Belgili bolǵany, bir markaly, túsi birdeı jáne nómirleri birdeı eki kólik jalǵa berilgen. Bıznesmen nómirdiń kóshirmesin Telegram qosymshasynda tapsyrys bergeni jáne ol úshin 50 myń teńge tólegeni belgili boldy. Atalǵan faktige qatysty «Kólik quralynyń sáıkestendirý nómirin qoldan jasaý, joıý, kórineý qoldan jasalǵan sáıkestendirý nómiri bar kólik quralyn ótkizý» boıynsha sotqa deıingi tergep-tekserý júrgizilip jatyr. Atalǵan bap boıynsha jaza 2 myń AEK-ke deıingi mólsherde aıyppuldan bastap eki jylǵa deıingi merzimge bas bostandyǵynan aıyrýǵa ne shekteýge deıin kózdeledi. Qazirgi ýaqytta «egiz kólik» tárkilenip, kommýnaldyq turaqqa qoıyldy. Saraptama taǵaıyndaldy.