Astanada jedel járdemniń burynǵy bas dárigeri 8 mln teńgeden astam qarjyny qymqyrdy dep kúdiktelýde
ASTANA. QazAqparat - Astanada jedel járdem stansasynyń burynǵy bas dárigeri 8 mln teńgeden astam qarjyny qaltasyna basty dep kúdiktelýde, dep habarlady elordalyq prokýratýranyń baspasóz qyzmetinen.
Astana qalasynyń prokýratýrasy «Qalalyq jedel medıtsınalyq járdem qyzmetiniń stansasy» ShJQ MKK-ǵa tekseris júrgizdi. Nátıjesinde taýarlyq-materıaldyq qundylyqtardyń jetispeıtindigi anyqtaldy.
«Atalǵan fakti boıynsha kásiporynnyń laýazymdy tulǵalaryna qatysty sot aldy tergeý júrgizildi. Tergeý kezinde burynǵy bas dáriger, MKK memlekettik satyp alýlar bóliminiń bastyǵy jabdyqtaýshymen kelisip, 2014 jyly jedel járdem kóligin jóndeýge bólingen 8 072 500 teńgeni qaltalaryna basyp, óz paıdalaryna jumsaǵany anyqtaldy», delingen habarlamada.
Qylmystyq is aıaqtalyp, qarastyrý úshin sotqa joldandy.
