Astanada jedel járdem qyzmetine arnalǵan jańa kólikter tanystyryldy
ASTANA. 8 mamyr. QazAqparat - Búgin Astanada «Allıýr avto» kompanııasy jedel járdem qyzmetine arnalǵan jańa kólikterdi tanystyrdy.
QR Densaýlyq saqtaý mınıstrliginiń jaýapty hatshysy Serikbol Mýsınovpen pen QR Indýstrııa jáne saýda vıtse-mınıstri Albert Raý ol kólikterdi jan-jaqty qarap shyqty. Máselen, «Iveco» markaly kólik jedel járdem qyzmeti úshin tolyǵymen jabdyqtalǵan. Ondaǵy qural-jabdyqtardyń 50 paıyzy Qazaqstanda shyǵarylady. Kóliktiń baǵasy - 16 mln. teńge. Sondaı-aq jeke dárigerler úshin jeńil kóliktiń bir nusqasy da bar. Onyń baǵasy - 9-11 myń dollar.
«Buǵan deıin biz «Hendeı» kompanııasynyń jedel járdem qyzmetine arnalǵan kólikterimen tanystyq. Endi, bir aıdyń ishinde konkýrsqa qatysatyn kompanııalardy jiktep, jedel járdem qyzmetine arnalǵan kólikterdi kimnen alatynymyzdy naqty anyqtaıtyn bolamyz. Árıne, ol kezde qazaqstandyq qamtý máselesine basa nazar aýdarylatyn bolady», - deıdi S.Mýsınov.
Mınıstrliktiń jaýapty hatshysy atap kórsetkendeı, bul jumys «Salamatty Qazaqstan» baǵdarlamasy aıasynda atqarylyp jatyr. Onyń aıasynda elimizdegi kóliktik medıtsınany barynsha damytý kózdelgen. Ol úshin jyl saıyn 2 myń kólik satyp alynatyn bolady. Jalpy, Úkimettiń tapsyrmasyna sáıkes, eki jyldyń ishinde jedel járdemniń kóliktik qyzmeti tolyǵymen jańartylýy tıis.
