Astanada jedel járdem feldsheri júkti áıelge kómekke taksımen barǵan

ASTANA. KAZINFORM – Áleýmettik jelide jedel járdem dárigeri patsıentke medıtsınalyq kómekke taksımen bara jatqan vıdeo tarady. Іstiń mán-jaıyn elordanyń densaýlyq saqtaý basqarmasynan suraǵan edik.

— Patsıentterge jedel jetý ýaqytyn qysqartý maqsatynda Densaýlyq saqtaý mınıstriniń 2020 jylǵy 30 qarashadaǵy № 225 «jedel medıtsınalyq kómek kórsetý qaǵıdalaryn bekitý týraly» buıryǵynyń 42-tarmaǵyna sáıkes taksıdi jalǵa alý týraly sheshim qabyldandy. Osy sheshim aıasynda patsıent № 2 qalalyq kóp fýnktsııanaldy aýrýhanaǵa jetkizilip, kómek kórsetildi, - delingen habarlamada. 

Aqparatta aıtylǵandaı, qazir elordada jedel járdemdi shaqyrtý jıilegen. Oǵan sebep — halyq sanynyń ósýi jáne maýsymdyq dertke shaldyǵýdyń ortasha normadan asyp ketýi. 

Eske sala keteıik, osy kúzde jedel járdem kólikteriniń tapshylyǵy máselesin kóterip, jaǵdaıy kúrdeli óńirlerdi anyqtaǵan edik. 

Odan bólek, jyl basynan beri qazaqstandyqtar jedel járdem qyzmetine neshe ret júgingeni týraly jazdyq.