Astanada jedel járdem brıgadalarynyń jarysy ótti
ASTANA. QazAqparat - Astana ákimdiginiń qalalyq jedel medıtsınalyq járdem stansasynda úzdik jedel járdem brıgadasyn anyqtaý úshin jarys ótti. Bul týraly stansanyń Facebook paraqshasynda habarlandy.
Dástúrge aınalǵan jarysqa mamandar jiti qyzyǵýshylyq tanytyp keledi. Jarys jedel medıtsınalyq járdem qyzmetteriniń tótenshe jaǵdaılardan, jol apattarynan zardap shekkenderge shuǵyl kómek kórsetýge daıyndyǵyn arttyrý maqsatynda uıymdastyrylady.
«Jarys baǵdarlamasynda qatysýshylar «anafılaktıkalyq shok kezinde shuǵyl járdem», «jańa týǵan náresteniń janyn saqtap qalý», «zardap shegýshi kóp jaraqat alǵan kezdegi shuǵyl járdem», «ótkir qan tamyry sındromy kezindegi járdem» sekildi sıtýatsııalyq tapsyrmalardy oryndady. «Oqıǵa oryndarynda» manekender jáne standarttalǵan naýqastar qoldanyldy», - delingen habarlamada.
Jarysqa qatysýshylardyń bilimderin, jyldamdyǵy jáne jumys uıymshyldyǵyn quzyretti qazylar alqasy baǵalap otyrdy. Jarysta Saryarqa shaǵyn stansasynyń brıgadasy jeńiske jetti. Jeńimpazdar men júldegerlerge syılyqtar men sertıfıkattar tabystaldy.
