Astanada jedel avtobýstar paıda bolady
ASTANA. KAZINFORM – Astanada jańa qoǵamdyq kólik túri – jedel avtobýstar paıda bolady. Bul týraly Astana qalasynyń Sáýlet, qala qurylysy jáne jer qatynastary basqarmasy málim etti.
Basqarmanyń habarlaýynsha, qoǵamdyq kólik qyzmetin damytý maqsatynda Astanada 2035 jylǵa deıingi keshendi baǵdarlama daıyndaldy. Ol kezeń-kezeńimen júzege asyrylady. Atalmysh baǵdarlama marshrýttyq jelini ońtaılandyrý jáne halyq úshin kólik qyzmetteriniń qoljetimdiligin arttyrý sekildi negizgi baǵyttardy qamtıdy.
Bas josparǵa sáıkes, 2035 jylǵa qaraı qoǵamdyq kólik sany edáýir kóbeıedi. Al ony qoldanatyn turǵyndar úlesin 41% -dan 71%-ǵa deıin arttyrý josparlanyp otyr.
- Bul maqsat úshin elordamyzda qoǵamdyq kóliktiń jańa túri – jedel avtobýstar paıda bolady. Olarǵa arnaıy jolaqtar bólinedi. Osyǵan qaraı elordada jańa aıaldamalar salynyp, avtobýstar sany artady, arnaıy qozǵalys jolaqtary bólinedi, kólik kóp qatynaıtyn magıstraldarǵa túsetin salmaq azaıady. Jańa avtobýstar keń ári jaıly bolady, bul kóbirek jolaýshy tasymaldaýǵa múmkindik beredi, - delingen habarlamada.
Aıta keteıik, Astana qalasynyń 2035 jylǵa deıingi Bas jospary kelisý satysynda, ol jyl sońyna deıin aıaqtalady degen boljam bar.
Osyǵan deıin Aqtaýdyń qoǵamdyq kólikterinde jańa tólem jasaý júıesi iske qosylǵany týraly habarladyq.