Astanada jazýshy Tabyl Qulyıastyń «Jıembet batyr» kitabynyń tusaýkeseri ótedi
ASTANA. 8 qańtar. QazAqparat - Erteń Astanadaǵy «Báıterek» baspasóz ortalǵnda jazýshy Tabyl Qulyıastyń «Jıembet batyr» roman-essesiniń tusaýkeseri ótedi, dep habarlady halyqaralyq «Báıterek» medıa-ortalyǵynyń baspasóz qyzmeti.
Tabyl Qulyıas 1935 jyly 15 jeltoqsanda Aqtóbe oblysy, Oıyl aýdany, «Qarakól» keńsharynda týǵan. 1978 jyly QazMUÝ-dy bitirgen. 1950 jyldan bastap respýblıkalyq «Pıoner» jýrnaly, «Qazaqstan pıoneri» (qazirgi «Ulan»), «Lenınshil jas» (qazirgi «Jas Alash») gazetterinde maqala, óleńderi shyǵyp turdy. 1957 jyldan Oıyl aýdandyq «Eńbek týy», «Jarshy» gazetterinde aımaqtyq, respýblıkalyq basylymdarda ocherkteri jarııalana bastady. «Kókshetaý pravdasy», Jambyl oblystyq «Eńbek týy» gazetterinde qyzmet istegen. 1970 jyly respýblıkalyq teleradıonyń Torǵaı, Aqmola oblystaryndaǵy menshikti tilshisi, qazaq televıdenıesiniń nasıhat redaktsııasynda redaktor qyzmetin atqara júrip, «Jebe» satıralyq jýrnalyn shyǵardy. Tuńǵysh satıralyq kitaby «Kesilgen burym» 1977 jyly jaryq kórdi. «Saýda saqal sıpaǵansha», «Qońyraýly kúlkigramma», «Jalmaýyz», «Quıyn», «Aqmyltyq» (eki tom), «Jegi» satıralyq kitaptary, «Shemen sher», «Dúnıe dáýren», «Іzet» sııaqty ocherkteri, Jıenǵalı Tilepbergenov týraly «Ańyz izimen» romany shyqty . LKJO-nyń Qurmet gramotasymen, «Tyń ıgergeni úshin», «Eńbek ardageri» medaldarymen marapattalǵan. B.Qydyrbekuly atyndaǵy syılyqtyń laýreaty, Oıyl aýdanynyń Qurmetti azamaty, Qazaqstannyń eńbek sińirgen qaıratkeri.
