Astanada «jazǵy» dońǵalaqpen júrgen júrgizýshiniń kesirinen 4 kólik soqtyǵysty
ASTANA. QazAqparat - Astana ІІD aýa raıynyń kúrt tómendep kóktaıǵaq bolýyna baılanysty, jolda barynsha muqııat bolýǵa shaqyrdy, dep habarlaıdy elorda ákimdiginiń medıa ortalyǵy.
Polıtseıler jol belgilerine qatysty barlyq talaptar men qajetti araqashyqty saqtaýda júrgizýshilerdi muqııat bolýyn eskertedi. Onyń ústine, qazirgideı aýa raıynda jazǵy dońǵalaqpen júrý múmkin emes.
18 qarasha kúni Toıota avtokóliginiń júrgizýshisi jazǵy dońǵalaǵyn qysqy «shınaǵa» aýystyrmaǵandyqtan, Qorǵaljyn tas jolynda iri JKO jasady. ІІD baspasóz qyzmetiniń málimetinshe, júrgizýshi aýa raıyn eskermesten jolda rýldi basqara almaı, búıirge kelip soqtyǵysqan. Budan keıin kólik qarama qarsy bette kele jatqan kólikke soqtyǵysyp, ózge de kólikterdiń soqtyǵysýyna alyp kelgen. Nátıjesinde 4 kólik zardap shegip, 6 adamǵa medıtsınalyq kómek kórsetildi.
Qazgıdromettiń málimetinshe, senbi kúni Astanada qar jaýyp, kóktaıǵaq bolady. Ońtústik-batystan soqqan jel 9-14 m/s jyldamdyqpen soltústik-batysqa qaraı yǵysady. Túnde temperatýra 0...-2 S, kúndiz 0 S jýyq bolady. Jeksenbi kún bultty, jaýyn jaýmaıdy. Batystan soqqan jel 9-14 m/s ońtústik-batysqa qaraı aýytqıdy. Aýa temperatýrasy túnde -3...-5 S, kúndiz 0...-2 gradýsty kórsetedi.
