Astanada jazǵy kafeden órt shyqty

ASTANA. KAZINFORM — Elordada dámhana órtenip jatyr. 

Dál osy sátte Astana qalasynyń órt sóndirýshileri Almaty aýdanynda tilsiz jaýmen arpalysyp jatyr.

B.Momyshuly dańǵyly boıynda ornalasqan «Kývshın» meıramhanasynyń janyndaǵy jazǵy dámhanadan órt shyqqan.

Tótenshe jaǵdaı departamentiniń kúsh-quraldary jumyldyrylǵan. 

«Oqıǵanyń mán-jaıy naqtylanyp jatyr. Saǵat 16:14 kezinde órt oqshaýlandy. Zardap shekkender joq» deıdi TJM baspasóz qyzmetinen. 

Qazirgi ýaqytta oqıǵa ornynda TJD jeke quramynan 15 adam men 3 tehnıka jumys istep jatyr.

Saǵat 16:32 shamasynda órt sóndirildi. Jalyn 60 sharshy metr aýmaqty sharpydy.

Órttiń sebepteri anyqtalyp jatyr.