Astanada «Jaıyq-Ýral» halyqaralyq tarıhı ekspedıtsııa bastaldy

ASTANA. QazAqparat - Ulttyq mýzeıde «Jaıyq-Ýral-2016» halyqaralyq tarıhı-mádenı ekologııalyq ekpedıtsııasy bastaldy. Іs-shara aıasynda ekspedıtsııanyń 20 jyldyq tarıhyn qamtıtyn «Jaıyq - dostyq ózeni» atty fotosýret kórmesi uıymdastyrylǵan.

Ekspedıtsııa Jaıyq ózeni basseıniniń ekojúıesin, baı tarıhı-mádenı qundylyqtardy saqtap qalý problemalaryn, sportty, dene shynyqtyrýdy, salamatty ómir saltyn, patrıottyq tárbıe berýdi, urpaqtar sabaqtastyǵyn, transshekaralyq yntymaqtastyqty damytýdy nasıhattaý maqsatyn ustanady. 20 jyl ishinde ekspedıtsııa qatysýshylary tek Jaıyq ózeni ǵana emes, sondaı-aq Oral basseınindegi Samara, Elek ózenderi boıynsha birneshe myńdaǵan shaqyrym júzip ótken.

«Barshańyzdy «Jaıyq-Ýral» tarıhı-mádenı ekologııalyq ekspedıtsııanyń jol saparǵa shyǵýymen quttyqtaımyn. Búgin Orynbordan biraz qonaqtar kelip otyr. Bir jyl emes, 20 jyldyq tarıhı bar ekspedıtsııanyń joly bolsyn. Bul ekspedıtsııa shekaralas ornalasqan eki memlekettiń halyqaralyq deńgeıdegi qarym-qatynasyn nyǵaıtýǵa da úles qosady»,-dedi Qazaqstan halqy Assambleıasy tóraǵasynyń orynbasary Eraly Toǵjanov.

Іs-sharaǵa QHA múshesi, ekspedıtsııanyń qatysýshylary men ardagerleri, ǵylym men tvorchestvo ókilderi, etnomádenı uıym ókilderi men Orynbor oblysy ákimshiliginiń ókilderi qatysty.

Esterińizge sala keteıik, «Jaıyq-Ýral» ekspedıtsııasy 1997 jyldyń shildesinde alǵash ret jolǵa shyqqan edi.