Astanada «Jaıdarman» festıvaliniń joǵarǵy lıgasynyń fınaly ótti
ASTANA. QazAqparat - Ótken demalysta «Jastar» saraıynda Astana qalasy «Jaıdarman» festıvaliniń joǵarǵy lıgasynyń birinshiligine baılanysty fınaldyq kezdesý ótti, dep habarlady astana.gov.kz.
Fınalǵa alty myqty komanda qatysty, olardyń arasynda elordanyń túrli oqý oryndarynyń ókilderi bar, olar: L. N. Gýmılev atyndaǵy EUÝ «Jibek joly», «Turan-Astana» ýnıversıtetiniń «Turan-Astana» komandalary, Ekonomıka, taǵam óndirisi jáne standarttaý kolledjiniń «Qorǵaljyn quramasy», erkin qurama - «Energo», Tehnologııa jáne bıznes ýnıversıtetiniń «Astana arýlary», S.Seıfýllın atyndaǵy Qazaq agrotehnıkalyq ýnıversıtetiniń «Qaz ATÝ quramasy» bar. Kórsetilimderdiń negizgi taqyryby astanalyq jáne stýdenttik ómir, ony komandalardyń árqaısysy shyǵarmashylyqpen ári jeńil ázilmen asha bildi.
Qatysýshylar «Sálemdesý», «Jamby atý», «Shıratý», «Mýzykalyq baıqaý» jáne «Qoıylym» dástúrli baıqaýlary boıynsha synǵa tústi. Qazylardyń pikiri boıynsha, «Qorǵaljyn quramasy» barynsha kóbirek upaı jınady, ekinshi jáne úshinshi oryndardy «Jibek joly» jáne «Turan Astana» komandalary bólisti. Sonymen qatar kórermender men qazylardyń pikirleri boıynsha eń jaqsy oıynshylar anyqtaldy.
