Astanada jaıaý júrginshini qaǵyp ketken júrgizýshi táýelsizdiktiń 20 jyldyǵyna baılanysty raqymshylyq aldy
ASTANA. 30 qańtar. QazAqparat /Jasulan Joldybaev/ - Astanada jaıaý júrginshini qaǵyp ketken júrgizýshige Qazaqstan táýelsizdiginiń 20 jyldyǵyna baılanysty raqymshylyq jasaldy, dep habarlaıdy Astana qalasy prokýratýrasynyń baspasóz qyzmeti.
«2011 jyldyń 10 qazanynda «GAZ-3302-288» markaly avtokóliginiń júrgizýshisi Respýblıka dańǵylymen Á.Moldaǵulova kóshesinen Máskeý kóshesine qaraı bet alyp kele jatyp, jaıaý júrýshi jolynda adamnyń joq ekenine kóz jetkizbeı, abaısyzda jaıaý júrginshini qaǵyp ketti. Saldarynan jábirlenýshi aýrýhanada kóz jumdy», - delingen vedomstvonyń taratqan málimetinde.
QR Qylmystyq kodeksine sáıkes, atalǵan qylmys onsha aýyr emes qylmystar sanatyna jatady jáne ol úshin 5 jylǵa deıin bas bostandyqtan aıyrý jazasy qarastyrylady.
2011 jyldyń 28 jeltoqsanynda qabyldanǵan «Qazaqstan Respýblıkasy memlekettik táýelsizdiginiń 20 jyldyǵyna baılanysty raqymshylyq jasaý týraly» Zańnyń 4-babyna sáıkes, mundaı sanattaǵy ister QR qylmystyq is júrgizý zańnamasynda kózdelgen tártippen is qozǵaýdan bas tartylýǵa jáne toqtatylýǵa jatady.
Osyǵan baılanysty, 2011 jyldyń 23 qańtarynda Astana qalasy Saryarqa aýdanynyń № 2 sotynyń qaýlysymen júrgizýshige qatysty qozǵalǵan qylmystyq is toqtatyldy.
Atalǵan qylmystyq is raqymshylyq jasaýmen baılanysty sottarmen qysqartylǵan alǵashqy isterdiń biri.
