Astanada jaıaý júrginshilerge qatysty jol apaty jıilep ketti
ASTANA. QazAqparat - Aǵymdaǵy jyldyń basynan beri elordada jaıaý júrginshilerge qatysty 14 jol-kólik apaty oryn aldy.
Bul týraly búgin Astana qalalyq ІІD Jergilikti polıtsııa qyzmetiniń basshysy Baqytjan Malybaev málim etti, dep habarlaıdy QazAqparat.
«Ótken jylmen salystyrǵanda bizde qylmys, jol-kólik oqıǵalary tómendep keledi. Degenmen, jaıaý júrginshilerge qatysty jol-kólik oqıǵalary alańdatyp otyr. Eger birinshi jartyjyldyqta kisi ólimine ushyratqan 21 jol-kólik oqıǵasy tirkelse, onyń 14-i jaıaý júrginshige qatysty bolǵan. Sondyqtan jaıaý júrginshilerden joldy arnaıy belgilengen orynnan kesip ótýdi ótinemiz. Onyń ústinde jańa oqý jyly da jaqyndap qaldy», - dedi Malybaev.
Sonymen qatar ol qala turǵyndaryn elordany qaýipsiz ári ómir súrýge qolaıly jasaý baǵdarlamasyn júzege asyrý aıasynda aýlalar men úılerdiń kireberisterine kameralar ornatý sharasyna qatysýǵa shaqyrdy.
«Munan bólek, páterlerge dabyl júıesin de ornatqan jón. Qalada 250 myńnan astam páter bar. Olardyń ishinde tek 3,5 piterge ǵana dabyl júıesi ornatylǵan. Elorda turǵyndarynan bul jumystardy jandandyrýdy ótinemin», - dedi Jergilikti polıtsııa qyzmetiniń bastyǵy.
