Astanada jaıaý júrginshilerge arnalǵan jolda áıel adamdy kólik qaǵyp ketti
ASTANA. QazAqparat - Búgin Astanada jaıaý júrginshilerge arnalǵan jolda áıel adamdy kólik qaǵyp ketti, dep habarlaıdy QazAqparat.
Oqıǵa kýágerleriniń aıtýynsha, búgin túste Kenesary kóshesiniń boıyndaǵy «zebradan» ótip bara jatqan áıeldi mashına qaǵyp ketken.
Іshki ister departamentiniń habarlaýynsha, jol-kólik oqıǵasy boıynsha polıtsııa aldyn ala tergeý júrgizip jatyr.
«22 aqpan kúni túski saǵat 13.40 shamasynda «Lada» kóligin basqaryp kele jatqan 30 jastaǵy er adam Kenesary kóshesinen Sembınov kóshesine qaraı bara jatqanda, 34 jastaǵy áıel adamdy qaǵyp ketti. Zardap shekken áıel adam aýrýhanaǵa jetkizilgen, medıtsınalyq kómek alǵan soń, úıine shyǵaryldy. Qazir polıtsııa aldyn ala tergeý júrgizip jatyr», - dep habarlady Astana qalalyq ishki ister departamentiniń baspasóz qyzmetinen.
