Astanada jaýyngerlik jekpe-jekterdiń úzdik sportshylary óner kórsetedi
ASTANA. QazAqparat - Erteń elordadaǵy «Dáýlet» ulttyq tennıs ortalyǵynda ekinshi Halyqaralyq jaýyngerlik óner festıvali ótedi. Shara barysynda Qazaqstan, Reseı, Qytaı, Italııa, Fılıppın jáne Japonııa memleketteriniń úzdik jekpe-jek ókilderi bir arenada óz ónerlerin ortaǵa salady, dep habarlady qala ákiminiń astana.gov.kz resmı saıty.
Festıval baǵdarlamasy boıynsha kórermender nazaryna 11 dıstsıplınadan kórneki urystar kórsetedi, sonyń ishinde djıý-djıtsý, kıokýshınkaı-kan karate, qoıan-qoltyq urys, sýmo, taekvando, mýaı-taı (taıs boksy), vın-chýn, qazaq kúresi, brazılııalyq djıý-djıtsý, shaolın-tsıýan, pekıtı-tırsııa kalı.
Bıyl sharaǵa aralas stıldegi kásipqoı sportshy Habıb Nýrmagomedov, kásipqoı reseılik taıbokser jáne kıkbokser, taı boksynan Reseıdiń eńbek sińirgen sport sheberi Artem Levın syndy áıgili tulǵalar qatysady. Ótken jylǵy festıvalge qatysqan akter, kásipqoı sportshy, jaýyngerlik jekpe-jek boıynsha áskerı nusqaýshy Sergeıa Badıýk sport súıer qaýym úshin tosyn syı bolmaq. Mańyzdy sporttyq sharadan qazaqstandyq sportshylar da tys qalmaıdy.
Sonymen qatar, 29 maýsymda ekinshi Halyqaralyq jaýyngerlik óner festıvaliniń qatysýshylary Astana qalasynyń sport mektepteriniń shákirtterine arnalǵan sheberlik dáristerin ótkizedi. Olar taı boksynyń erekshelikteri men artyqshylyqtaryn is júzinde kórsetip, jańa bastap otyrǵan sportshylardy qyzyqtyrǵan barlyq suraqtarǵa jaýap beredi.
