Astanada jaýyn: B. Momyshuly dańǵylymen júretin avtobýs baǵdary ózgerdi
ASTANA. QazAqparat - Astanada aýa raıyna baılanysty birqatar avtobýstyń qozǵalys baǵyty ózgerdi, dep habarlaıdy QazAqparat «Astana LRT» JShS baspasóz qyzmetine silteme jasap.
«25 tamyz kúni saǵat 14:00-den bastap, aýa raıyna baılanysty B. Momyshuly dańǵylynyń Qoshqarbaev-Táýelsizdik dańǵyly bóliginde avtobýs qozǵalysyna shekteý qoıylady. № 15, 47, 51, 56, 101 baǵyttardyń Saraıshyq - B. Momyshuly qıylysyna deıingi baǵdary ózgerissiz qalady, ári qaraı R. Qoshqarbaev dańǵylymen tike júrip, sol jaqtaǵy Táýelsizdik dańǵylyna burylady. Táýelsizdik dańǵylynan ońǵa - B. Momyshuly dańǵylyna burylady jáne qalǵan baǵyt bekitilgen shemaǵa sáıkes júrgiziledi», - dep jazdy «Astana LRT» kompanııasynyń resmı ókili Naýat Azanbaeva.
Resmı ókildiń habarlaýynsha, № 61 baǵyttyń Sharl de Goll-Toqpanov qıylysyndaǵy «№81 mektep-lıtseı» aıaldamasy ózgerissiz qaldy, odan keıin avtobýs Sharl de Goll kóshesimen tike júrip, solǵa - Táýelsizdik dańǵylyna burylady.
Keri baǵyttaǵy qozǵalys ta dál osy shemamen júredi.
