Astanada jaýapty bıznes júrgizý máseleleri boıynsha EYDU semınary ótti (FOTO)
ASTANA. QazAqparat - Búgin QR Investıtsııalar jáne damý mınıstrliginde Ekonomıkalyq yntymaqtastyq jáne damý uıymy (EYDU) «Kópultty kásiporyndar úshin EYDU basqarýshy prıntsıpteri» semınary ótti.
«Búgingi tańda mınıstrliktiń mindetteriniń biri - Qazaqstannyń EYDU ınvestıtsııalyq komıtetine qosylýy», - dedi ınvestıtsııalar jáne damý vıtse-mınıstri Erlan Qaıyrov.
Shara sońynda elimizdiń halyqaralyq ınvestıtsııalar men kópsalaly kásiporyndar týraly EYDU Deklaratsııasyna qosylýy týraly sheshim qabyldanady.
«Investorlar úshin bul bizdiń ınvestıtsııalyq klımattyń atalǵan uıymnyń joǵary standarttaryna sáıkestiginiń kórsetkishi bolmaq», - dep atap ótti E.Qaıyrov.
Semınarǵa memlekettik organdardyń, ulttyq kompanııalardyń, «Atameken» UKP, úkimettik emes jáne kásibı odaq uıymdarynyń, ónerkásiptik qaýymdastyqtardyń ókilderi men sheteldik ınvestorlar qatysty.
Búgingi tańda Ekonomıkalyq yntymaqtastyq jáne damý uıymynyń músheliginde 34 el bar. Álemdik ónerkásiptik óndiristiń alpys paıyzǵa jýyǵy osy elderge tıesili. 
