Astanada jataqhananyń shatyry órtendi

ASTANA. KAZINFORM - Astanada Baıqońyr aýdanynyń Jetisaı kóshesinde ornalasqan bir qabatty jataqhananyń shatyry jandy, dep habarlaıdy QR TJM baspasóz qyzmeti. 

Órt oryn alǵan nysanda elektr qýaty sóndirildi. Zardap shekkender týraly aqparat túsken joq. 12 bólmesi bar jataqhananyń turǵyndary ózderi evakýatsııalanǵan.

Órt ornynda 26 qutqarýshy men 7 birlik tehnıka jumys istedi. Oqıǵa ornyna turǵyndardy jylytýǵa arnalǵan avtobýs jiberildi.

Órt sóndirýshiler jataqhanadan 15 gaz ballonyn shyǵardy. Zardap shekkender joq. Órt 22:38-de oqshaýlanyp, 01:01 saǵatta 160 sharshy metr aýmaqty sharpyǵan tilsiz jaý joıyldy. Oqıǵanyń sebebi anyqtalýda.