Astanada jataqhanada bolǵan órtte 5 bala ysty gazǵa ýlanyp qaldy, 25 adam qaýipsiz jerge kóshirildi
TANA. 18 qazan. QazAqparat - Astanada shaǵyn otbasylarǵa arnalǵan jataqhanada bolǵan órtte 5 bala, sonyń ishinde jańa týǵan eki náreste ysty gazǵa ýlanyp, aýrýhanaǵa tústi.
Bul týraly QR TJM-nan málim etti.
Órt 17 qazan kúni, túski saǵat 13.08-de Astananyń «Almaty» aýdanyndaǵy Jansúgirov kóshesi, 9 meken-jaıynda ornalasqan shaǵyn otbasylarǵa arnalǵan 5 qabatty jataqhananyń birinshi qabatynan shyqty. Anyqtalǵandaı, ot elektrli tustamadaǵy kabelden tutanǵan.
Oqıǵa ornyna dereý jetken QR TJM Astana qalasy boıynsha TJD órtke qarsy qyzmetiniń 30 adamy men 5 tehnıkasy tilsiz jaýdy 30 mınýtta aýyzdyqtady. 25 adam, sonyń ishinde 6 bala qaýipsiz jerge kóshirildi. Ysty gazǵa ýlanǵan bes bala, atap aıtqanda, jańa týǵan eki náreste, 1, 3 jáne 5 jastaǵy balalar aýrýhanaǵa jetkizildi.
