Astanada jataqhana órtendi
ASTANA. QazAqparat - Astanada jataqhana órtendi, dep habarlaıdy QazAqparat qalanyń tótenshe jaǵdaılar departamentine silteme jasap.
Kúltegin kóshesiniń boıyndaǵy úıde ornalasqan jataqhanada órt shyqqany týraly aqparat «101-ge» saǵat 16:25-te kelip túsken. Oqıǵa ornyna órt sóndirýshiler jetken kezde eki qabatty ǵımarat shatyrynyń aǵash konstrýktsııalary janyp jatqan.
«Bastapqy málimet boıynsha, jalyn 250 sharshy metr aýdandy sharpyǵan. Kúshti jel jumysty qıyndatty. Biraq qutqarýshylar órtti jyldam aýyzdyqtap, jalynnyń kórshi ǵımarattarǵa ótip ketýine jol bermedi», - delingen habarlamada.
Aıta keterligi, oqys oqıǵadan eshkim zardap shekpedi.
Órt saǵat 17:03-te tolyqtaı sóndirildi.
