Astanada jataqhana órtendi -150 adam dalada qaldy
ASTANA. QazAqparat - Astananyń qaq ortasynda alapat órt boldy. Elıtalyq aýdanda ornalasqan jeke sektorda 3 qabatty jataqhana janyp, 150 adam dalada qaldy, dep habarlaıdy KTK telearnasy.
Jurt bala-shaǵasyn ertip ottyń ortasynan ázer shyqqan.
Jeldiń kúshimen qarqyn alǵan jalyn áp-sátte tez taralypty. Turǵyndar bala-shaǵasyn súırep júrgende tipti qujattaryn da alyp úlgermegen. Keıbiri jeke kýálikteriniń ornyna turmystyq tehnıkalaryn kóterip alyp shyqqan. Alapat órttiń kesirinen 20 otbasy dalada qaldy. Kóbi jataqhanany jaldap turypty. Abyroı bolǵanda adam shyǵyny joq. Alaıda, kúıik shalǵan onshaqty adam shuǵyl aýrýhanaǵa jetkizilgen. Qazir tilsiz jaýdyń neden tutanǵany ázirge belgisiz.
«Bul jataqhananyń qojaıynyn anyqtap jatyrmyz. Aıyptylardy qatań jazalaımyz»,- deıdi Astana qalalyq órt sóndirý qyzmetiniń bastyǵy Búrkit Muqashev.
