Astanada «jasyl» tehnologııalardy oqytý ortalyǵy ashyldy
ASTANA. QazAqparat - Elordada «Astana Eko Standart» jylyjaı kesheniniń bazasynda «jasyl» tehnologııalardy oqytý ortalyǵy ashyldy, onda S. Seıfýllın atyndaǵy Qazaq agrotehnıkalyq ýnıversıtetiniń stýdentterimen birge fermerler men kásipkerler de kókónis ósirý boıynsha ozyq bilim alatyn bolady. Al kelesi jyldyń qyrkúıeginde bul jerge eń ozyq eýropalyq jabdyqtarmen jabdyqtalǵan jylyjaı kesheni ornatylady, dep habarlaıdy qalalyq ákimdiktiń baspasóz qyzmeti.
«Astana ákimdigi onyń qurylysyna arnap jer telimin bóldi. Onyń jalpy aýdany - 8 200 sh.m. Biz qııardyń eń jaqsy jáne suranysqa ıe suryptaryn ósirýdi josparlap otyrmyz»,- dep málim etti «Astana Eko Standart» JShS dırektory Jeńis Dosmaǵanbetov tanystyrylym barysynda.
Quny 7,1 mln evrony quraıtyn jobaǵa oqytý ortalyǵy men jańa jylyjaı kiredi, ol Eýropa Odaǵynyń qarjylyq qoldaýymen iske asyrylýda jáne azyq-túlik qaýipsizdigin, sonyń ishinde sý qaýipsizdigin kúsheıtýge baǵyttalǵan. Jobanyń atqarýshy áriptesteri: BUU DB jáne BUU EEK.
BUU DB Turaqty ókiliniń orynbasary Mýnhtýıa Altangerel hanym bul joba bıznes sektorda «jasyl» ekonomıkanyń qaǵıdattaryn engizýdiń kórneki mysaly bolatynyna úmit bildirdi. S. Seıfýllın atyndaǵy QazATÝ prorektorynyń m.a. Nurlan Serikpaev elimizdiń soltústik jáne ortalyq aımaqtarynda jylyjaı sharýashylyqtaryn damytý boıynsha birlesken oqý ortalyǵyn qurý aldaǵy ýaqytta jylyjaı sharýashylyǵynyń damýyna yqpal etip, respýblıkanyń azyq-túlik táýelsizdigin qamtamasyz etetin bolady.
«Búgingi kúni biz jan basyna shaqqandaǵy un óndirisi boıynsha álemde birinshi oryn alamyz. Eger kókónis ónimderi týraly aıtatyn bolsaq, ókinishke oraı, soltústik jáne ortalyq oblystar jáne jalpy Qazaqstan kókónistiń 80 % syrttan ákeledi, sol sebepti qorǵalǵan topyraqtaǵy kókónis sharýashylyǵyn damytýdyń mańyzy zor, - dep atap kórsetti ol.
