Astanada «Jasyl tehnologııalar men ınnovatsııalar» baıqaýy jarııalandy
ASTANA. QazAqparat - Elordada «Jasyl tehnologııalar men ınnovatsııalar» vırtýaldy baıqaýy jarııalandy, dep habarlaıdy Astana qalasynyń Tabıǵı resýrstar jáne tabıǵat paıdalanýdy retteý basqarmasy dep jazady astana.kz.
Baıqaýǵa qazaqstandyq kompanııalar, jeke menshik mekemeler jáne jeke tulǵalar, sondaı-aq Qazaqstan aýmaǵynda qyzmetin júzege asyratyn sheteldik kompanııalar qatysa alady. Baıqaý kelesi salalyq baǵyttarda ótkiziledi: - energııa salasyndaǵy ınnovatsııa joldary; - energotıimdilik jáne tehnologııanyń resýrstaryn saqtaý; - ekojúıeni basqarý tıimdiligi; - aýylsharýashylyq salasyndaǵy joǵary óndiristik jáne turaqty tájirıbe, basqarmanyń tıimdi ádisteri men qoqys-qaldyqtaryn óńdeý; - sý resýrstaryn turaqty paıdalanýdaǵy tıimdi tehnologııalar; - zııandy qaldyqtardy azaıtý. Baıqaýǵa qatysýshylar «jasyl» tehnologııany óndiretin «Úzdik óndirýshi», «jasyl» tehnologııany «Úzdik jetkizýshi», «jasyl» tehnologııany paıdalanǵan «Úzdik kásiporyn» atalymdary boıynsha marapattalady. Baıqaýǵa qatysý úshin aǵymdaǵy jyldyń 15 qazanyna deıin www.gbpp.org, www.gt.greenkaz.org saıttaryna tikelý qajet. Tehnologııalyq talaptar «jasyl» tehnologııa tiziminde kórsetiletin bolady jáne EKSPO-2017 halyqaralyq mamandandyrylǵan kórmesi forýmynda ornalastyrylady.
