Astanada «Jasyl kópir» baǵdarlamasy boıynsha naqty usynystar ázirlenýde
ASTANA. 13 shilde. QazAqparat /Arman Asqarov/ - Astanadaǵy «Qazgıdromet» ǵımaratynda «Jasyl kópir» baǵdarlamasy boıynsha naqty usynystardy ázirleýge arnalǵan semınar ótýde.
Semınar jumysyna otandyq jáne sheteldik sarapshylar qatysýda. QR Qorshaǵan ortany qorǵaý vıtse-mınıstri Májıt Turmaǵambetovtyń aıtýynsha, is-sharanyń basty maqsaty - elimizdiń ekologııa salasyndaǵy halyqaralyq bastamasy - «Jasyl kópir» baǵdarlamasyn iske asyrý boıynsha naqty usynystardy ázirlep, aǵymdaǵy jyly qyrkúıektiń 21-23-i kúnderi Astanada ótetin ekologııa mınıstrleriniń konferentsııasynda osy usynystardy jarııa etý. «Qazirgi kezde Eýropa «jasyl ekonomıka» negizinde jumys istep keledi. Endi, olar bizdiń de osy saladaǵy naqty jobalarymyzdy kórgisi kelip otyr. Sondyqtan biz óz áleýetimizdiń múmkindikterin barynsha kórsetip, shaǵyn jáne orta bıznestiń osy áleýetti júzege asyrýǵa atsalysýyn kózdeımiz. Aıta ketý kerek, búgingi tańda Germanııa, Frantsııa jáne Koreıa elderi bizdiń ekologııalyq bastamalarymyzǵa úlken qyzyǵýshylyq tanytyp otyr», - deıdi M.Turmaǵambetov.
