Astanada «jasyl» ınnovatorlar, ǵalymdar men jýrnalıster marapattaldy
ASTANA. QazAqparat - Astanada 200-den astam qatysýshylardy biriktiretin "Jasyl Qazaqstan" atty "Jasyl" ekonomıka kóshbasshylarynyń І Respýblıkalyq forýmy ótti, dep xabarlaıdy QazAqparat.
"Bul bizdiń, alǵashqy "jasyl" ekonomıka kóshbasshylarynyń forýmy. 2013 jyly Qazaqstanda "jasyl" ekonomıkaǵa kóshýdiń tujyrymdamasy jasaldy", - dedi «Jasyl» ekonomıka jáne G-Global damytý koalıtsııasynyń basshysy Saltanat Raxymbekova.
Forým jumysy barysynda ǵalymdar men ınnovatorlardyń, «Online EXPO-2017» baıqaýy jeńimpazdarynyń kórmesi ótti.
Baıqaý nátıjeleri kórsetkenindeı, Qazaqstanda kún sáýlesi energetıkasy, energotıimdilik, klımattyń ózgerýine qarsy, qoqystardy joıý jáne organıkalyq jer sharýashylyǵyn damytý salalarynda úzdik texnologııalar barshylyq.
"Búgingi baıqaý qazaqstandyq ınnovator-ǵalymdary EKSPO kórmesine qanshalyqty daıyn ekendikterin pash etedi. Bul texnologııalar áleýmettik nysandarda ornatylǵan jáne olardyń sany búginshe elimiz boıynsha 70-ten asty. Ol nysandarda pırolız peshteri, kún kollektorlary men panelder, jaryqdıodty shamdar, fıtojaryqtandyrǵyshtar ornatyldy. Onda jylyjaılar salynǵan", - dedi Saltanat Raxymbekova.
Uıymdastyrýshylar "Qazaqstandaǵy "jasyl" ekonomıkany damytýǵa qosqan úlesi úshin", "Jasyl" jobalardy sátti júzege asyrǵany úshin" jáne "Jasyl" jobalardy ázirleý, engizý, yntalandyrý men alǵa jyljytýdaǵy úzdik tájirıbeleri úshin" atty úsh atalym boıynsha "jasyl" ekonomıka salasynda "Jasyl ekonomıka úzdikterine" dıplomdar men syılyqtar tapsyrdy.
Sondaı-aq forýmda BAQ ókilderi arasynda ótken "Jasyl baspasóz" respýblıkalyq baıqaýynyń jeńimpazdaryn marapattaý rásimi ótken bolatyn. Uıymdastyrý komıtetine BAQ-tyń 45 ókilinen 100 ótinish kelip túsken. Baıqaý komıssııasynyń sheshimimen 15 jýrnalıst jeńimpaz dep tanyldy.
"Úzdik telexabar" atalymynda "Habar" telearnasynyń "Jasyl ekonomıka" baǵdarlamasy jeńimpaz atansa, "Úzdik telesıýjet" atalymynda birinshi orynǵa "Qazaqstan-Qaraǵandy" telearnasynyń tilshisi Rýslan Tursynǵalıev laıyq dep tanyldy. "Gazettegi úzdik maqala" atalymynda "Kazaxstanskaıa pravda" basylymynyń jýrnalısi Dosjan Nurǵalıevtiń materıaly jeńimpaz atandy.
"Internet-resýrstaǵy úzdik aqparat" atalymynda Indıra Qaýmetova ("Strategııa-2050" agenttiginiń tilshisi) úzdik shyqsa, úshinshi oryn, bizdiń áriptesimiz, "QazAqparat" xalyqaralyq aqparat agenttiginiń jýrnalısi Damır Baımanovqa buıyrdy.
Sonymen birge "Úzdik radıobaǵdarlama" atalymynda "Shalqar" radıosynyń tilshisi Lázzat Sybanqulova jeńimpaz atandy.
