Astanada «jasyl ekonomıkaǵa» ekojúıelik qyzmetterdi engizý máselelerine arnalǵan halyqaralyq konferentsııa ótedi
ASTANA. QazAqparat - Qazaqstandaǵy BUU Damý baǵdarlamasynyń BIOFIN jáne CB2 jobalary Halyqaralyq yntymaqtastyq jónindegi nemis qoǵamymen birlese otyryp, 24 maýsym kúni Astanada «Ekojúıelik qyzmetterdi «jasyl ekonomıkaǵa» engizý» atty halyqaralyq konferentsııa ótkizedi.
Konferentsııa maqsaty memlekettik dengeıde basqarý sheshimderin qabyldaý úshin tabıǵı baılyqty ekojúıelik qyzmetterge baǵa berý arqyly esepteý, ekojúıe jáne bıoártúrlilikti basqarýdyń jańa tásilderin qoldaný, tabıǵatty qorǵaý sharalaryn qarjylandyrýdyń balama quraly retinde jekemenshik sektordyń qatysýymen ekojúıelik qyzmetter úshin tólemder engizý boıynsha elaralyq tájirıbemen almasý bolyp tabylady.
Ekojúıelik qyzmetter - bul adamdardyń ekojúıeden alatyn paıdasy. Ekojúıelik tásildeme jer, sý jáne bıologııalyq resýrstardy ádilettilik qaǵıdaty negizinde qorǵaýǵa jáne turaqty túrde paıdalanýǵa septigin tıgizetin keshendi basqarýdyń strategııasy bolyp tabylady.
Konferentsııa barysynda ekojúıelerdi jáne bıoártúrlilikti basqarý, qorshaǵan ortaǵa baǵyttalǵan ınvestıtsııalardyń tıimdiligi men shyǵyndaryn baǵalaý, ekojúıelik qyzmet úshin tólemderdi zańdastyrý, bıologııalyq resýrstardy ekonomıkalyq baǵalaý boıynsha Vetnamnyń, Mońǵolııanyń, Reseıdiń, Túrkmenstannyń, Qyrǵyzstan men Qazaqstannyń sátti tájirıbeleri talqylanady.
