Astanada jastarǵa arnalǵan «Jastar Energy» Open Air kontserti ótedi
ASTANA. KAZINFORM - Astanadaǵy «Qazaq eli» monýmenti alańynda 6 shilde kúni «Jastar Energy» atty ashyq aspan astyndaǵy jastar kontserti ótedi, dep jazdy elorda ákimdiginiń resmı saıty.
Іs-shara Astana qalasy kúnine arnalǵan merekelik baǵdarlama aıasynda uıymdastyrylady.
Kontserttiń maqsaty – jastar shyǵarmashylyǵyn qoldaý, mádenı belsendilikti arttyrý jáne zamanaýı ónerdi nasıhattaý. Merekelik kontsertte tanymal oryndaýshylar men jas ártisterdiń qatysýymen mýzykalyq qoıylymdar usynylady.
Kesh barysynda mádenı ınteraktıvter men kórermenmen tikeleı baılanys uıymdastyrylady. Kontsertke qazaqstandyq jaryq juldyzdar qatysady: Mıras Júgúnisov, Artýr Davletıarov (Artur), Erlan Qanatuly, Madistation, Jazzdauren, Seıfýllın Jolbarys, Zarına Omarova, Aıgúl Imanbaeva, Ǵadilbek Janaı, DOS, Dosymjan Tańatarov, Nurlan men Murat, Zarına Bojakova, Evgenıı Abý-Zeıd.
Іs-shara 19:00-de bastalady. Kirý tegin.
Aıta keteıik, Qazaqstanda 6 shildede Astana kúni atalyp ótedi. Bul merekege oraı elordada dástúrli túrde júzden astam túrli baǵyttaǵy is-shara uıymdastyrylady.