Astanada jastarǵa arnalǵan bos jumys oryndarynyń jármeńkesi ótýde
«Astanada jyl basynan beri Jumyspen qamtý ortalyǵynyń qyzmetine 10 436 adam júgingen. Onyń ishinde 5629 adam jastar bolyp otyr. Nátıjesinde 2454 adam jumysqa ornalastyryldy. Olardyń 1500-i - jastar. Mundaı shara bıyl 12-shi ret uıymdastyrylýda. Onda 12 jumys berýshiniń atynan 600-den astam bos jumys orny usynyldy», - deıdi Astana qalalyq Jumyspen qamtý ortalyǵy qabyldaý jáne jumyspen qamtý bólimi bastyǵynyń orynbasary Ulan Naýshabekov.
Jumys oryndary týraly maǵlumattan basqa, ózine laıyqty kásip izdeýshiler men oqý oryndarynyń túlekteri Jumyspen qamtý ortalyǵynyń mamandarynan qaıta daıarlyqtan ótý, jańa mamandyqqa ıe bolý, jastar tájirıbesine joldama alý, sondaı-aq «Jumyspen qamtý-2020» baǵdarlamasy aıasynda basqa da memlekettik qoldaýlar týraly aqyl-keńes alýyna bolady.