Astanada jastarǵa arnalǵan bos jumys oryndarynyń jármeńkesi bastaldy

«Aqmola oblysy jastarynyń qaýymdastyǵy» uıymdastyrǵan jármeńkede gýmanıtarlyq, tehnıkalyq, saýda jáne qyzmet kórsetý salalary boıynsha bos jumys oryndary usynylǵan.

«Jármeńke «Jas mamanǵa - laıyqty jumys» dep atalady. Bul jastarǵa arnalǵan shara bolǵandyqtan, munda 18-29 jas aralyǵyndaǵy jastar úshin jasadyq. Onyń barysynda ótetin sheberlik synyptarynda jastar jumys berýshiler aldynda ózin qalaı ustaý qajettigi, qyzmetke qalaı ornalasýǵa bolatyny jaıly máselelerge qanyǵa alady. Sondaı-aq jármeńkedegi bos jumys oryndaryn tabýǵa kómek kórsetiletin bolady», deıdi «Aqmola oblysy jastarynyń qaýymdastyǵy» uıymynyń jetekshisi Oleg Tolkaılov.

O. Tolkaılovtyń aıtýynsha, jármeńkede tehnıkalyq mamandyqtarǵa jáne qyzmet kórsetý salasyna qajetti qyzmetshilerge suranys joǵary.

Joba aıasynda budan buryn Aqmola oblysy aýmaǵynda bos jumys oryndarynyń jármeńkesi uıymdastyryldy. Osyndaı sharany qyrkúıek aıynda Almaty qalasynda da ótkizý josparlanyp otyr.

Mádenıet mınıstrliginiń jáne Astana ákimdiginiń qoldaýymen ótip jatqan jármeńkege, jumys berýshiler, kadrlyq agenttikter, jumysqa ornalastyrýmen jáne oqytýmen aınalysatyn uıymdar tartyldy.