Astanada jastarǵa arnalǵan bos jumys oryndary jármeńkesi ótedi
ASTANA. KAZINFORM – Elordadaǵy Jastar saıasaty máseleleri basqarmasy, «Astana jastary» jastar resýrstyq ortalyǵy, qalalyq Eńbek mobıldiligi ortalyǵy jáne «Esil University» birlesip, ýnıversıtet aýmaǵynda bos jumys oryndary jármeńkesin ótkizedi, dep jazdy Astana ákimdiginiń resmı saıty.
Jármeńke jumys izdep júrgen joǵary oqý oryndarynyń túlekteri men jastarǵa arnalǵan. Negizgi maqsat – jumyssyz azamattardy, oqý oryndarynyń túlekterin jumyspen qamtýǵa járdemdesý, ıaǵnı jumys berýshi men jumys izdeýshiniń tikeleı baılanysyn qamtamasyz etý.
Іs-shara barysynda jumys berýshiler óz kompanııalarynyń tanystyrylymyn ótkizip, bos jumys oryndarymen tanystyrady jáne eń laıyqty kandıdattardyń jeke bazasyn qalyptastyrady. Óz kezeginde jumys izdeýshiler HR-menedjerlermen suhbattasyp, ózderin qyzyqtyrǵan suraqtaryn qoıyp, suhbattasýdan ótýge múmkindik alady.
Jármeńke 7 qarasha kúni saǵat 13:30-da «Esil University» ǵımaratynda, ıaǵnı Jubanov kóshesi, 7 mekenjaıynda ótedi.
Aıta keteıik, Mańǵystaýda «Jumysshy mamandyqtar jyly» aıasynda 850 bos jumys oryndary usynyldy.