Astanada jastarǵa arnalǵan bos jumys oryndary jármeńkesi ótedi
ASTANA. KAZINFORM – Elordada 17 sáýir kúni jastarǵa arnalǵan kezekti bos jumys oryndary jármeńkesi uıymdastyrylady, dep habarlaıdy qala ákimdiginiń resmı saıty.
Іs-shara 17 sáýirde saǵat 14:30-da Jeńis dańǵyly, 62 mekenjaıynda ornalasqan S. Seıfýllın atyndaǵy Qazaq agrotehnıkalyq ýnıversıtetiniń ǵımaratynda ótedi.
- Jármeńke jastarǵa jumys tabýǵa, jumys berýshilermen tikeleı suhbattan ótýge jáne jetekshi kompanııalardyń usynystarymen tanysýǵa múmkindik beredi, - delingen elorda ákimdiginiń aqparatynda.
Іzdenýshilerge ózekti bos jumys oryndary usynylyp, jumys berýshilermen kezdesýler, sondaı-aq mansaptyq keńester uıymdastyrylady.
Aıta keteıik, qazaqstandyq stýdent adam bara almaıtyn qaýipti jerlerde jumys isteıtin robot shyǵardy.
