Astanada jastardyń gýmanıtarlyq biliminiń ózekti máseleler talqylandy
ASTANA. QazAqparat - Búgin «Jastar» ǵylymı-zertteý ortalyǵy «Jastardyń gýmanıtarlyq bilimi - qoǵamdyq sana jańǵyrýynyń ımperatıvi» taqyrybynda dóńgelek ústel ótkizdi. Onda Qazaqstan jastarynyń gýmanıtarlyq bilim alýynyń ózekti máseleleri talqylandy, dep habarlaıdy QazAqparat.
Shara barysynda jastardyń rýhanı-adamgershilik tárbıesi de sóz boldy. Sonymen qatar, basqosýda «Rýhanı jańǵyrý» baǵdarlamasyn iske asyrýdyń birinshi jylynyń qorytyndysy jasalynyp, «100 jańa oqýlyq» jobasynyń týyndylary tanystyryldy.
Dóńgelek ústel jumysynda ortalyq memlekettik organ qyzmetkerleri, «Nur Otan» partııasynyń ókilderi, sarapshylar qaýymdastyǵy, jastar uıymdarynyń, sondaı-aq jastar isi jónindegi mamandar qatysty.
Dóńgelek ústel spıkerleri retinde QR Prezıdentiniń strategııalyq zertteýler ınstıtýtynyń dırektory Zarema Sháýkenova, Aýdarma ulttyq bıýrosynyń redaktory Tımýr Muhtarov, «Qazaqstan-2050» jalpyulttyq qozǵalysynyń keńes tóraǵasy Muhtar Mankeev jáne «Jastar» ǵylymı-zertteý ortalyǵynyń sarapshylary Ásel Ibadýllaeva, Alına Abdýllaevalar sóz sóıledi.
Basqosý qorytyndysyna oraı jastardyń gýmanıtarlyq bilim alýyn jetildirý boıynsha birqatar usynystar ázirlendi.
