Astanada jastardyń 3 myńǵa jýyǵy jumysqa ornalastyryldy

ASTANA. QazAqparat - Elordada jyl basynan beri 29 jasqa deıingi 6 420 qala turǵyny jumysqa ornalasýǵa kómektesý týraly ótinish berdi. Sonyń ishinde 589 adam jastar praktıkasyna 38-i áleýmettik jumys oryndaryna jiberildi. 2850 adam tólenetin qoǵamdyq jumystarǵa kiristi, al 204-i kásiptik oqýǵa qabyldandy, dep habarlady qalalyq ákimdiktiń baspasóz qyzmetinen.

Elordada jastar úshin ótkiziletin mańyzdy sharalardyń biri - bos oryndar jármeńkesi. Shara barysynda jumys berýshiler kelýshilerge bos jumys oryndaryn usynady. Astanada jyl basynan beri 13 bos oryndar jármeńkesi ótkizildi. Budan basqa, jastarǵa «Jumyspen qamtý-2020» baǵdarlamasyna qatysýda kómek kórsetiledi. Ústimizdegi jyly baǵdarlamaǵa qatysýǵa 1902 ótinim berildi. Jyl saıyn Astanada jumysqa ornalastyrý máselesin odan ári qaraý maqsatynda JOO-lar men kolledjderdń túlekteriniń arasynda, sondaı-aq, qajetti mamandyqtardy anyqtaý úshin mektep oqýshylarynyń arasynda saýalnama júrgiziledi.