Astanada «Jastar - temirjol bolashaǵy» І respýblıkalyq forýmy ótýde
A. 13 jeltoqsan. QazAqparat /Janna Qorqytova/ - Astanada «Qazaqstan temir joly» UK jastarynyń «Jastar - temirjol bolashaǵy» І respýblıkalyq forýmy ótýde.
Bul týraly ulttyq kompanııanyń baspasóz qyzmetinen habarlady.
«Forým - «Qazaqstan temir joly» kompanııasynyń temirjoldyń kadrlyq áleýetin damytýǵa, jas mamandardy kásibı jetildirýge, basqarýshy býyndardy bilikti jastarmen tolyqtyrýǵa baǵyttalǵan jastar saıasatynyń biregeı kórinisi», - delingen kompanııanyń baspasóz baıanynda.
Astanaǵa bıyl Almaty, Qostanaı, Pavlodar qalalarynda ótken irikteý forýmdarynyń jeńimpazdary - temirjol salasynda jumys isteıtin 18 ben 30 jastyń aralyǵyndaǵy 150 jas qyzmetker jınalyp otyr.
Forýmnyń aıasynda ulttyq kompanııa vıtse-prezıdentteriniń, basqarýshy dırektorlarynyń, enshiles kásiporyndardyń birinshi basshylarynyń qatysýymen «dóńgelek ústel» otyrystary, menedjment salasy boıynsha trenıngter ótedi.
