Astanada jastar tájirıbesine qatysýshylardyń eńbekaqylary ósti
ASTANA. QazAqparat - Jańa jyldan bastap jastar tájirıbesinen ótýge Halyqty jumyspen qamtý ortalyǵyna júgingen oqý oryndarynyń túlekterine tólenetin jalaqy 71 900 teńge quraıdy, dep habarlady Astana ákimdiginiń baspasóz qyzmeti.
Astana qalasynyń Halyqty jumyspen qamtý ortalyǵynyń ýaqytsha jumysqa ornalastyrý bólimi basshysy Qalamqas Qulshmanovanyń aıtýynsha, jastar tájirıbesine qatysýshylardyń eńbekaqylary memlekettik bıýdjet qarajatynan sýbsıdııalanady jáne bilim berý túlekterine alǵashqy tájirıbe alý úshin júrgiziledi.
Jastar tájirıbesiniń maqsaty - jastardy joǵary jáne orta oqý oryndarynda alǵan mamandyqtary boıynsha alǵashqy tájirıbeden ótkizý ýaqytsha jumysqa ornalastyrý bolyp tabylady.
«Ótken jyly biz jastar tájirıbesi júıesi arqyly 661 túlekti jumysqa ornalastyrylǵan edik. Ol kezde jalaqy 53 800 teńgeni quraǵan bolatyn, al bıylǵy jyly jastar praktıkasynyń jalaqysy 71 900 teńgeni qurady. Barlyq áleýmettik shegerimderdi eskergende jastar tájirıbesine qatysýshylar 60 684 teńge alatyn bolady.
Aıta keteıik, jastar praktıkasyna sońǵy úsh jyldyń túlekteri, jumyssyz retinde tirkelgender men jasy 29-dan aspaǵandar joldana alady. Jumys berýshi jumyssyzdy jumysqa alý týraly sheshim qabyldaǵan jaǵdaıda, jumys berýshi onymen Qazaqstan Respýblıkasynyń Eńbek Kodeksine sáıkes, eńbek kelisimshartyna otyrady. Jastar praktıkasynyń uzaqtyǵy 6 aıdan aspaıdy.
