Astanada «Jastar» saıabaǵy jańartylyp jatyr

ASTANA. KAZINFORM — Saıabaqta júrgizilgen abattandyrý jumystary keńistikti túbegeıli ózgertti, dep habarlaıdy elorda ákimdiginiń baspasóz qyzmeti.

Qala turǵyndary úshin yńǵaıly ári tartymdy demalys aımaǵyna aınalyp jatyr.

Búginde munda skeıt-park, balalar oıyn alańdary, tynyǵý oryndary men arqandy saıabaq ashylyp, kópshiliktiń súıikti ornyna aınalyp keledi.

Sonymen qatar, Aqbulaq ózeniniń arnasyn tazartý jumystary júrgizildi. Bul ózenniń ekologııalyq jaǵdaıyn jaqsartyp, saıabaqtyń tabıǵı kelbetin odan ári kórkeıte tústi.

Buǵan deıin Memleket basshysy «Jastar» saıabaǵynda aǵash ekkenin jazǵan edik.