Astanada jastar óneriniń festıvali bastaldy
ASTANA. QazAqparat - Búgin elordadaǵy Beıbitshilik jáne kelisim saraıynda EKSPO-2017 Halyqaralyq mamandandyrylǵan kórmesi aıasynda «Bolashaq energııasy - Made in Astana» jastar óneriniń festıvali bastaldy, shara 23 shildege deıin jalǵasady, dep habarlaıdy qalalyq ákimdiktiń baspasóz qyzmeti.
- Bul jobanyń maqsaty beıneleý ónerin damytý, saqtaý jáne nasıhattaý bolyp tabylady. Rýhanı jańǵyrý bul - Qazaqstannyń úshinshi jańǵyrtýynyń áleýeti. Jas qala - Astana elimizdiń damýyna baǵyttalǵan jańa bastamalardyń bastaý alańy bolyp tabylady. «MADE IN ASTANA» jobasy mansabyn endi bastap kele jatqan sýreshilerdiń qyzyǵýshylyǵyn oıatty, - deıdi uıymdastyrýshylar.
«Bolashaq energııasy - Made in Astana» festıvali úsh kezeń boıynsha ótedi.
Búgin beıneleý ónerin damytý jáne saqtaý máseleleri boıynsha «Jastar óneriniń qýaty» konferentsııasy, sondaı-aq Sembıǵalı Smaǵulov, Beıbit Ásemqul, Ádilǵalı Baıandın jáne Shalqar Qabdeshtiń sheberlik sabaqtary ótti.
22 shildede eldiń 5 túrli alańdarynda: Ortalyq saıabaq, Prezıdenttik saıabaq, Aqbulaq jaǵalaýy, Báıterek jáne Ákimdik alańynda jalpy plener ótedi.
23 shildede «Made in Astana» beıneleý óneri boıynsha respýblıkalyq baıqaýdyń qatysýshylaryn marapattaý saltanaty ótedi. Olar aqshalaı syılyqtarmen jáne alǵyshattarmen marapattalady.
Sharany Astana qalasynyń Mádenıet, muraǵattar jáne qujattama basqarmasy uıymdastyrdy.
