Astanada jastar men din salasynyń qyzmetkerleri ekstremızm men lańkestik máselelerin talqylaý úshin ústel basyna jınaldy
ASTANA. 10 sáýir. QazAqparat - Búgin Astanadaǵy Gýmanıtarlyq kolledjde Jastar saıasatyn qoldaý memlekettik qory «Jastar arasynda ekstremızm men lańkestik ıdeıalary taralýynyń aldyn alý» taqyrybynda dóńgelek ústel otyrysyn ótkizdi.
Sharanyń maqsaty - jastar men jasóspirimder arasyndaǵy ekstremızm men terrorızm oılarynyń taralýyna jol bermeý, Otanǵa degen qurmet pen ózara syılastyqty, patrıottyq sezimder men jaýapkershilikti nasıhattaýda jáne rýhanı tárbıe berýge baǵyttalǵan is-sharalar legin kúsheıtý.
Іs-sharaǵa vedomstvolyq organdardyń ókilderi, Astana qalasy Іshki saıasat basqarmasynyń úkimettik emes uıymdarmen jáne dinı birlestiktermen jumys bólimi, Din isteri departamenti, Іshki ister departamenti ekstremızmge qarsy kúres basqarmasynyń qyzmetkerleri, sonymen qatar «Nur Astana» meshitiniń naıb ımamdary, Qasıetti Serafım Sarovskıı prıhody jergilikti pravoslavııalyq dinı birlestiginiń ókili jáne joǵary oqý oryndary men arnaıy oqý oryndarynyń tárbıe isi jónindegi orynbasarlary qatysty.
Dóńgelek ústel barysynda baıandamalar tyńdalyp, kóptegen dáıekti usynystar aıtyldy. Nátıjesinde joǵary jáne arnaıy oqý oryndarynda dintanýshy mamandar memleketimizdiń tuǵyry berik bolýy úshin jastar men jasóspirimderdiń boıyna salaýatty ómir saltyn nasıhattaý, olarǵa ulttyq rýhta tárbıe berý maqsatynda is-sharalardy jıi uıymdastyrýdy qolǵa alatyn boldy.
Sharaǵa kelgen jastar men dintanýshy ǵalymdar arasynda ózara pikir almasýlar boldy. Qatysýshylar ekstremızm men lańkestik ıdeıalary taralýynyń jolyn kesý jolynda, patrıottyq sezimder men jaýapkershilikti nasıhattaý jáne rýhanı tárbıe berýge baǵyttalǵan is-sharalar legin kóbeıtýge jáne osy baǵytta jumyla qyzmet etýge shaqyrdy. Otansúıgishtigimizdiń arqasynda atadan balaǵa murat bolyp kelgen dástúrli dinimizdi berik ustanyp, bolashaqqa nyq qadam jasaıtyn bolamyz dep qorytyndylady.
