Astanada Jastar máslıhatynyń saılaýy bastaldy
qpannyń 26-sy. QazAqparat /Arman Asqarov/ - Búgin elordadaǵy Lev Gýmılev atyndaǵy Eýrazııa ulttyq ýnıversıtetinde Astana qalasy Jastar máslıhatynynyń №1 saılaý ýchaskesiniń saltanatty ashylý rásimi boldy,
dep habarlaıdy QazAqparat.
Saltanatty is-sharaǵa QR Parlamenti Májilisi, Ortalyq saılaý komıssııasy, «Nur Otan» HDP, Eýrazııa ulttyq ýnıversıtetiniń ókilderi jáne saılaýǵa daýys berýshi jastar qatysty. «Osymen ekinshi ret Eýrazııa ulttyq ýnıversıtetiniń stýdentteri óz úmitkerlerine daýys berýge múmkindik alyp otyr. Bıyl bizdiń ýnıversıtetten 33 úmitker saılaý báıgesine qatysýda. Buǵan deıin olar óz fakýltetterinde saılaýaldy baǵdarlamalaryn tanystyryp shyqqan. Endi Eýrazııa ulttyq ýnıversıtetinde bilim alyp júrgen 9 myńǵa jýyq jas óz úmitkerlerin anyqtaıtyn bolady», - deıdi №1 saılaý ýchaskesiniń tóraıymy, ýnıversıtet prorektory Jámıla Nurmambetova.
Aıta keteıik, Astana qalasy boıynsha 278 úmitker tirkelgen. Búgin olardyń atyna daýys berý úshin shamamen 65-70 myń jas saılaý ýchaskelerine keledi degen boljam bar.
