Astanada Jastar kúni qarsańynda «Jasampazdyq energııasy» atty konferentsııa ótedi
ASTANA. QazAqparat - Astanada 7-13 tamyz aralyǵynda jastarmen jumys júrgizý tásilderin qalyń kópshilik arasynda keńinen nasıhattaý maqsatynda «Jastarmen jumys aptasy» jobasy ótedi, dep habarlaıdy elorda ákimdiginiń baspasóz qyzmeti.
Atalmysh sharany «Jastar» ǵylymı-zertteý ortalyǵy uıymdastyrmaq. Joba aıasynda 7 tamyzda saǵat 15.00-de QR Tuńǵysh Prezıdenti kitaphanasynda «Jasampazdyq energııasy» konferentsııasy ótedi. Oǵan túrli uıymdar men jastar resýrstyk ortalyǵynyń, jastar uıymdarynyń ókilderi men «Astana EKSPO-2017» halyqaralyq mamandandyrylǵan kórmesiniń eriktileri qatysyp, jastardyń ózin-ózi damytý baǵytyndaǵy jobalarymen tanystyrady.
Uıymdastyrýshylar atap ótkendeı, konferentsııa formatyna sáıkes ár spıker 15 mınýtta óziniń ıdeıasymen tanystyryp, jastarmen jumys tájirıbesimen bólisedi.
Tanystyrylym aıaqtalǵan soń, kórermender ózderin tolǵandyrǵan 3 suraıq qoıa alady jáne pikirlerin de ortaǵa salady. Osylaısha ózara tájirıbe jáne bilim almasady. Konferentsııa qorytyndysy boıynsha jıyn barysynda aıtylǵan usynystar men aqyl-keńester, saraptalyp, keıin uıymdastyrýshylar men spıkerlerge jiberiledi.
