Astanada jastar bolashaq bıin bıleıdi
ASTANA. 6 sáýir. QazAqparat - Astana qalasynda «Bolashaq búginnen bastaldy!» is-sharasynyń aıasynda «Bolashaqtyń bıi» atty jastar aktsııasy ótedi.
Sharanyń maqsaty - patrıottyq tárbıe berý jáne mádenı aǵartý.
Aktsııa 2012 jyldyń 8 sáýirinde flesh-mob formatynda «Kerýen» saýda, oıyn-saýyq ortalyǵynda ótedi. Astanadaǵy eń iri saýda, oıyn-saýyq ortalyǵynda ótetin atalmysh sharany L. N. Gýmılev atyndaǵy EUÝ-dyń «Shabyt» shyǵarmashylyq birlestiginiń qoldaýymen Qazaqstannyń Jastar Kongresi men «KazBrend» qoǵamdyq qory uıymdastyrýda.
Uıymdastyrýshylar aktsııaǵa 100-ge jýyq jasty tartyp, sońǵy kezde jastar arasynda tanymal bola bastaǵan «Neımar bıin» oryndaýdy josparlaýda. Bıge qatysty qysqasha aıta ketsek, brazılııalyq ánshi Michel Telo-nyń oryndaýyndaǵy "Ai se eu te pego" áni barlyq mýzykalyq hıt-paradtardan kórindi. Ánniń tanymaldylyǵyna gol soǵylǵannan keıin osy ánniń áýenine Ai Se Eu Te Pego qımyldaryn jasaıtyn fýtbolshylardyń «jarnamasy» septigin tıgizdi. Bıdiń qyzyq ta, eliktire túser qadamdaryn birinshi oryndaǵan brazılııalyq fýtbolshy Neımardan keıin bul jastar arasynda tanymal bola bastady.
«Bolashaq búginen bastalady!», -dep urandaǵan uıymdastyrýshylar, barlyqtaryn aktsııaǵa qatysýǵa shaqyrady.
