Astanada jastar árbir temeki úshin ıogýrt pen aıran taratýda
ASTANA. 6 maýsym. QazAqparat - Búgin elordada Astana medıtsınalyq ýnıversıtetiniń stýdentteri «Nıkotın ornyna vıtamın» dep atalatyn erekshe aktsııa ótkizdi.
Jastar kúni boıy shylym shegýshilerdiń temekisin sút ónimderimen almastyryp otyrdy. Qala kóshelerin birneshe eriktiler toby sholyp júr. Olar kóshedegi adamdardy toqtatyp, túkke qajeti joq temekini densaýlyqqa paıdaly ónimderge aıyrbastaýdy usynýda.
«Biz halyqtyń temekige áýes bóligin meılinshe azaıtý maqsatynda osyndaı shara uıymdastyrdyq», - deıdi QazAqparat agenttiginiń tilshisine qala kósheleriniń birinde toqtatqan eriktiler tobynyń múshesi.
Top-top bolǵan volonterler ýnıversıtetten bastap, Beıbitshilik kóshesimen Gete men Jeńis dańǵylynyń qıylysyna deıin jáne ýnıversıtetten bastap, «Han Shatyr» saýda oıyn-saýyq ortalyǵyna deıin eki baǵyt boıynsha júrip ótpek.
